Apple ဟာဆိုရင်တော့ iPad Air 3 ကို လာမယ့် မတ်လအလယ်လောက်မှာ စတင်ပြီး ကြေညာသွားဖွယ်ရှိတယ်လို့ သိရပါတယ်။ လာမယ့်နှစ်လအတွင်းမှာ ကြေညာနိုင်တဲ့ ဒီ iPad အသစ်မှာဆိုရင်တော့ မျက်နှာပြင် ထိန်းချုပ်မှုတွေကို ပိုမိုတိကျချိန်ညှိပေးနိုင်မယ့် pencil တစ်ခုလည်း ပါဝင်လာနိုင်တယ်လို့ ခန့်မှန်းမှုတွေပြုလုပ်နေကြပါတယ်။
9to5Mac ရဲ့ သတင်းရင်းမြစ်တွေအရတော့ Apple ဟာဆိုရင် iPad Air 3 ကို လာမယ့်မတ်လမှာ အစည်းအဝေးတစ်ခုပြုလုပ်ပြီး ကြေညာသွားမှာဖြစ်တယ်လို့ ပြောပါတယ်။
iPad Air 3 ရဲ့ နည်းပညာဟာဆိုရင်တော့ iPad Pro နဲ့ နည်းပညာဆင်ဆင်တူမှာဖြစ်ပေမယ့်လည်း သူ့ရဲ့ အားသာချက်အဖြစ်တော့ ထိန်းချုပ်မှုတွေကို ပိုမို အနုစိတ်ပြုလုပ်နိုင်မယ့် Apple pencil နဲ့ woofer , midrange , tweeter နဲ့ super tweeter စတဲ့ စပီကာလေးမျိုးကို ပေါင်းစပ်ထားတဲ့ အလန်းစား four-way စပီကာလည်း ပါဝင်လာမှာပါ။
ရုပ်ထွက်အနေနဲ့တော့ 4K Display နဲ့ ပြသမှာဖြစ်ပြီး ပုံရိပ်တွေကို အကြည်လင်ဆုံးမြင်ရမှာဖြစ်ပြီး RAM အနေနဲ့လည်း 4 GB အထိပါဝင်လာမှာဖြစ်တယ်လို့လည်း ဖော်ပြထားပါတယ်။
Apple ဟာဆိုရင်တော့ Apple watch နဲ့ iPhone 5Se တို့ကိုလည်း ထပ်ပြီး ထုတ်လုပ်မယ်လို့ ကောလဟလတွေထွက်နေခဲ့ပါတယ်။ iPad Air 3 ကိုတော့ Apple က သေချာပေါက်ထုတ်လုပ်သွားမှာဖြစ်ပေမယ့်လည်း ထပ်မံပါဝင်လာမယ့် လုပ်ဆောင်ချက်တွေကိုတော့ သေချာဖော်ပြထားတာမျိုးတော့ မရှိခဲ့ပါဘူး။
( Paing A K )
#သစ်ထူးလွင်(နည်းပညာ)
#technology.thithtoolwin.com
Ref : Digital Spy
0 comments:
Post a Comment