နယူးယောက်မြို့ရဲ့ သယ်ယူပို့ဆောင်ရေးနေရာတွေမှာတော့ မြို့သူမြို့သားတွေအတွက် ကျေနပ်စရာကောင်းတဲ့ နည်းပညာပိုင်းဆိုင်ရာ အဆင့်မြှင့်တင်မှုတွေကို လုပ်ဆောင်လျက်ရှိတယ်လို့ သိရပါတယ်။ မြို့တော်ရဲ့ သယ်ယူပို့ဆောင်ရေးလုပ်ငန်းတွေကို အဓိက လုပ်ကိုင်ပေးနေတဲ့ MTA ဌာနကတော့ နယူးယောက်ရဲ့ ဘတ်စ်ကားတွေ ၊ ရထားတွေနဲ့ မြေအောက်ဘူတာရုံတွေမှာ ပြောင်းလဲမှုအချို့ကို တွေ့မြင်ရလိမ့်မယ်လို့ ထုတ်ပြန်လိုက်ပါတယ်။
အရေးအကြီးဆုံး ပြောင်းလဲမှုတွေကတော့ ၂၀၁၆ ခုနှစ်အကုန်မှာ နယူးယောက်မှာရှိတဲ့ မြေအောက်ရထားဘူတာ ၂၇၇ ခုလုံးမှာ WiFi ဝန်ဆောင်မှုကို ထည့်သွင်းပေးသွားတော့မှာပါ။ အခုလောလောဆယ်မှာတော့ ဘူတာပေါင်း ၁၄၀ က WiFi ဝန်ဆောင်မှု ရှိပြီးသားဖြစ်ပါတယ်။ ဒါ့အပြင် မြို့တော်ရဲ့ မြေအောက်ရထားနဲ့ ဘတ်စ်ကားတွေအတွက် ငွေပေးချေမှုတွေကို ပြုလုပ်ရာမှာတော့ ဘဏ်ကတ်တွေနဲ့အပြင် အခြားသော ငွေပေးချေမှုဝန်ဆောင်မှုတွေကိုပါ အသုံးပြုနိုင်တော့မှာပါ။ ဥပမာအားဖြင့်တော့ Apple pay နဲ့ Android pay တို့လို ငွေပေးချေမှုတွေကိုပါ သုံးစွဲသွားနိုင်တော့မှာဖြစ်ပါတယ်။
ဒါအပြင် SubwayTime ဆိုတဲ့ app နဲ့ မြေအောက်ရထားတွေ ပြေးဆွဲချိန်ကိုပါ သိရှိနိုင်ပြီး ရထားဘူတာအားလုံးရဲ့ ရထားဆိုက်ရောက် ထွက်ခွာချိန်တွေကိုပါ သိရှိနိုင်တော့မှာဖြစ်ပါတယ်။ ဒီလိုဝန်ဆောင်မှုတွေနဲ့ ရထားပေါ်မှာ Wifi ကို အေးအေးဆေးဆေးသုံးနိုင်တဲ့အပြင် ဖုန်းအားသွင်းနိုင်ဖို့ USB အားသွင်းပေါက်တွေပါ ထည့်သွင်းပေးသွားမှာဖြစ်ပါတယ်။
ဒါ့အပြင် စီးနင်းသူပြည်သူတွေကို လုံခြုံမှုရှိနိုင်စေဖို့အတွက် လုံခြုံရေးကင်မရာတွေနဲ့ ရဲတွေကိုလည်း အင်အား တိုးချဲ့သွားတော့မှာဖြစ်တယ်လို့လည်း သိရပါတယ်။
( Paing A K )
#သစ်ထူးလွင်(နည်းပညာ)
#technology.thithtoolwin.com
Ref: Techinsider
0 comments:
Post a Comment