Web browser တွေထဲမှာ အစောဆုံး browser တစ်ခုဖြစ်တဲ့ နာမည်ကျော် Opera ဟာ desktop သုံး browser ဗားရှင်းအသစ်ကို ယမန်နေ့က စတင်မိတ်ဆက်လိုက်ပါတယ်။
ဒီ update ရဲ့ ထူးခြားချက်တော့ ကြော်ငြာပိတ် adblocker ကို browser ထဲမှာတင် built-in ထည့်သွင်းပေးထားတာ ဖြစ်ပြီး၊ နာမည်ကြီး browser တွေထဲမှာ adblocker ကို တပါတည်းထည့်သွင်းပေးတဲ့ ပထမဆုံး browser အဖြစ် မှတ်တမ်း ၀င်သွားခဲ့ပါတယ်။
Adblocker ကို browser ထဲမှာ built-in ထည့်သွင်းပေးလိုက်တဲ့ အကျိုးကျေးဇူးအနေနဲ့ တခြား third party ပြင်ပ Adblocker တွေကို ထည့်သုံးနေရတဲ့ browser တွေထက် Opera က မြန်နှုန်းသိသိသာသာ မြန်လာမှာ ဖြစ်တယ်လို့ Opera က ဆိုပါတယ်။
Adblock ကို ထပ်မံထည့်သွင်းထားရတဲ့ Chrome နဲ့ ယှဉ်ကြည့်တဲ့အခါ built-in adblocker ပါတဲ့ Opera က ၀က်ဘ်စာမျက်နှာတွေကို ဖွင့်ရာမှာ၊ ၄၅ ရာခိုင်နှုန်းပိုမိုမြန်ဆန်နေတာကို တွေ့ရှိခဲ့ရပြီး၊ Firefox ထက် ၂၁ ရာခိုင်နှုန်း ပိုမိုမြန်ဆန်လာတာကိုတွေ့ရှိခဲ့ရပါတယ်။
Opera ဟာ ဘရောက်ဆာသမိုင်းတစ်လျှောက်မှာ ထူးခြားတဲ့ရှေ့ပြေးတီထွင်မှုတွေကို အမြဲတမ်း စတင်မိတ်ဆက်ပေးတဲ့ အစဉ်အလာရှိပြီး၊ တခြား ဘရောက်ဆာတွေက Opera ရဲ့ ၀န်ဆောင်မှုတွေကို အမြဲ လိုက်လံအတုခိုးခဲ့ရပါတယ်။
နော်ဝေအခြေစိုက်ကုမ္ပဏီဟာ ကွန်ပြူတာဝက်ဘ်ဘရောက်ဆာ Opera ကို ၁၉၉၅ ခုနှစ်မှာ၊ ပထမဦးဆုံး စတင်မိတ်ဆက်ခဲ့ပြီး၊ အောင်မြင်မှုအစဉ်အလာကြီးမားတဲ့ဘရောက်ဆာတစ်ခုဖြစ်ပါတယ်။
Credit - digitaltimes.com.mm
0 comments:
Post a Comment