Apple ကနေ နောက်ဆုံးထွက်ရှိလာတဲ့ iOS 10 မှာ News ရဲ့ ဒီဇိုင်းပိုင်းကိုလည်း အတော်လေး ပြင်ဆင်လာခဲ့ပါတယ်။ ဒီလို ပြင်ဆင်လာမှုမှာ News ရဲ့လိုဂို ဒီဇိုင်းကိုပါပြောင်းလဲခဲ့ပါတယ်။
ဒါပေမယ့်လည်း Apple news ရဲ့ လိုဂိုဒီဇိုင်းသစ်ဟာ အခုခေတ်လူငယ်တွေ အများဆုံး ကစားနေတဲ့
Dota 2 ရဲ့ လိုဂိုဒီဇိုင်းနဲ့ပါ အတော်လေး ဆင်ဆင်တူနေတာကို တွေ့ရပါတယ်။ ဒါ့ကြောင့် ဒီဇိုင်းဆွဲခဲ့တဲ့ အပေါ်မှာ ဝေဖန်မှုတွေရှိနေခဲ့တာပါ။
Dota 2 ကို လစဉ်ကစားနေတဲ့ Active user ပေါင်း ၁၂ သန်းရှိနေပြီး Game Tournament ပြိုင်ပွဲတွေကိုလည်း နိုင်ငံတကာမှာ ကျင်းပလျက်ရှိနေပါတယ်။ ဆုကြေးတွေကလည်း ဒေါ်လာ သန်းချီအထိရှိနေတာကြောင့် Dota 2 ရဲ့ လွှမ်းမိုးမှုကို Apple က မသိမသာ အသုံးပြုလိုက်တယ်လို့
ဝေဖန်နေကြတာပါ။
အနီရောင်အောက်ခံပေါ်မှာ အလယ်က အဖြူရောင် ဆဌဂံအချောင်းတစ်ချောင်းနဲ့ အဖြူတြိဂံနှစ်ခုကို Apple News ရဲ့ လိုဂိုအဖြစ် အသုံးပြုထားပြီး အနီအောက်ခံမှာ အမည်းရောင်ဖြစ်နေတဲ့ Dota 2 ရဲ့ လိုဂိုနဲ့ တော်တော်ဆင်တူနေတာဖြစ်ပါတယ်။ ဒါ့ကြောင့် တကယ်ပဲ Apple က ခိုးယူထားသလား ဆိုတာကတော့ မသိရသေးပါဘူး။
( Beauty Syh )
#သစ်ထူးလွင်(နည်းပညာ)
#technology.thithtoolwin.com
Ref : The Verge
0 comments:
Post a Comment