Powered by Blogger.

Huawei က ထုတ်လုပ်ပေးထားတဲ့ ၇ လက်မအရွယ် Google တက်ဘလက်တစ်လုံး မကြာမီထွက်ရှိဖွယ်ရှိ


Google တက်ဘလက်ပရိတ်သတ်တွေအတွက် မမျှော်လင့်ထားတဲ့ သတင်းကောင်းတစ်ပုဒ် ထွက်ပေါ်လာပြီ ဖြစ်ပါတယ်။

Google ဟာ Pixel အမှတ်တံဆိပ်နဲ့ စမတ်ဖုန်းနှစ်လုံးကို မကြာမီအချိန်အတွင်းမှာ မိတ်ဆက်သွားတော့မှာဖြစ်ပြီး၊ တစ်ချိန်တည်းမှာ ၇ လက်မအရွယ် တက်ဘလက်တစ်လုံးကိုလည်း ပူးတွဲမိတ်ဆက်သွားဖွယ်ရှိတယ်လို့ သိရပါတယ်။

စမတ်ဖုန်းသတင်းတွေနဲ့ ပတ်သတ်ပြီး ယုံကြည်စိတ်ချရတဲ့ Evan Blass ရဲ့ သတင်းပေးမှုအရ၊ RAM 4GB ပါ အဆိုပါ Google တက်ဘလက်ကို Huawei ကုမ္ပဏီက ထုတ်လုပ်ပေးထားတာဖြစ်ပြီး၊ ယခုနှစ်မကုန်ခင်လောက်မှာ ထွက်ရှိဖွယ်ရှိတယ်လို့ သိရပါတယ်။

Google ဟာ “Nexus” ဆိုတဲ့ အမှတ်တံဆိပ်နာမည်အစား “Google” ဒါမှမဟုတ် “Pixel” အမှတ်တံဆိပ်နဲ့ပဲ ဖုန်းအသစ်တွေ ထုတ်လုပ်သွားတော့မယ်ဆိုတဲ့ အချက်ကြောင့်၊ ယခုတက်ဘလက်ဟာလည်း Nexus နာမည်နဲ့ ထွက်ရှိလာဖို့မရှိပါဘူး။

Google တက်ဘလက်တွေထဲမှာ Nexus 7 က အောင်မြင်မှုအကြီးမားဆုံးဖြစ်ပြီး၊ တန်ဖိုးနည်းသလို၊ တာရှည်ခံ၊ ဒီဇိုင်းမိုက်၊ အရွယ်အစားကလည်း အိတ်ကပ်ထဲ အလွယ်တကူထည့်နိုင်လောက်နဲ့ အနေအထားမှာရှိတာကြောင့် နာမည်ကောင်းရခဲ့တဲ့ တက်ဘလက်တစ်လုံး ဖြစ်ပါတယ်။ အခုထွက်မယ့်တက်ဘလက်အသစ်ကလည်း Nexus 7 အရွယ်လောက်ပဲဆိုတော့ Huawei အနေနဲ့ Nexus 6P လိုမျိုး အောင်မြင်မှုတွေ ယူဆောင်ပေးနိုင်မလားဆိုတာကတော့ စောင့်ကြည့်ရမှာဖြစ်ပါတယ်။

Google အနေနဲ့ ယခုတက်ဘလက်ကို အောက်တိုဘာလ ၄ ရက်နေ့မှ ကျင်းပမယ့် ကုန်ပစ္စည်းအသစ်မိတ်ဆက်ပွဲမှာ တခြားထုတ်ကုန်အသစ်တွေနဲ့အတူ တပါတည်းမိတ်ဆက်သွားဖွယ်ရှိနေပါတယ်။


( Beauty Syh )

#သစ်ထူးလွင်(နည်းပညာ)
#technology.thithtoolwin.com

Ref : The Verge

Share on Google Plus

About Staff Writer

သစ်ထူးလွင် နည်းပညာဆိုဒ်သည် နည်းပညာ မိုဘိုင်းဖုန်းနှင့် အီလက်ထရောနစ်ပစ္စည်းများနှင့် ပတ်သက်သော သတင်းများကို ဖေါ်ပြပေးသည့် ဆိုဒ်တစ်ခုဖြစ်သည်။
    Blogger Comment
    Facebook Comment

1 comments: