Powered by Blogger.

ထင်သလိုဖြစ်မလာတဲ့ iPhone 8 ပုံရိပ်တွေထွက်ပေါ်လာမှုပေါ် ဝေဖန်မှုများမြင့်တက်နေ



ပုံဆိုးပန်းဆိုး iPhone 8 ဓာတ်ပုံတွေကတော့ တရုတ်နိုင်ငံမှာ လူပြောများလျက်ရှိနေပါတယ်။

ဒီပုံတွေကသာ အမှန်တကယ် iPhone 8 ဒီဇိုင်းဖြစ်လာခဲ့မယ်ဆိုရင် Apple အနေနဲ့ အမှားကြီးတစ်ခုကို ကျူးလွန်လိုက်တယ်လို့ပြောရမယ်ဆိုပြီး နည်းပညာသမားတွေက ဝေဖန်နေကြပါတယ်။ ပြထားတဲ့ ပုံထဲက iPhone 8 ကတော့ Home ခလုတ်မပါဝင်တော့ဘဲ ကျောဘက်မှာ Fingerprint button ကြီးနဲ့ အခြား Android ဖုန်းတွေရဲ့ ပုံစံမျိုးကြီး ဖြစ်နေတာကို တွေ့ရမှာပါ။



ဒေါင်လိုက် ကင်မရာနှစ်လုံးတွဲနဲ့ Apple ရဲ့ အထင်ကရ တံဆိပ်အောက်မှာ လက်ဗွေဆန်ဆာကြီးကပ်နေတာက ပနံမသင့်ဘူးလို့ ဝေဖန်နေကြပါတယ်။ တရုတ်လူမှုကွန်ယက် Weibo မှာ ဒီဓာတ်ပုံတွေ ပျံ့နှံ့လာတာဖြစ်ပြီး ဖုန်းရဲ့မျက်နှာပြင်က ဘောင်ပျောက်ဒီဇိုင်းမျိုးလည်း မဟုတ်ပြန်ပါဘူး။ ဘောင်အနည်းငယ်စီရှိသေးတာကိုတွေ့ရမှာဖြစ်ပြီး အရှေ့ဘက်မျက်နှာပြင်ဟာ အမှတ်တမဲ့ဆိုရင် Samsung Galaxy S8 နဲ့ ဆင်တူနေပါတယ်။

ရိုးရှင်းတဲ့ ပုံစံမျိုးနဲ့ အသုံးပြုသူတွေကို ဆယ်စုနှစ်တစ်ခုလောက် ဖမ်းစားထားနိုင်ခဲ့တဲ့ Apple သာ ဒီလိုပုံတွေအတိုင်း ဖုန်းထုတ်လုပ်လိုက်ရင် အတော်လေးကို ဂယက်ရိုက်သွားဖွယ်ရှိနေပါတယ်။ Weibo မှာ ပျံ့နှံ့တတ်တဲ့ဓာတ်ပုံတွေဟာ မှန်တတ်တာကြောင့် Apple ချစ်သူတွေအတွက်တော့ ရတက်မအေးစရာဖြစ်လို့နေပါပြီ။



Mocha

#technology.thithtoolwin.com

Ref : BGR

Share on Google Plus

About Staff Writer

သစ်ထူးလွင် နည်းပညာဆိုဒ်သည် နည်းပညာ မိုဘိုင်းဖုန်းနှင့် အီလက်ထရောနစ်ပစ္စည်းများနှင့် ပတ်သက်သော သတင်းများကို ဖေါ်ပြပေးသည့် ဆိုဒ်တစ်ခုဖြစ်သည်။
    Blogger Comment
    Facebook Comment

1 comments: