Windows 3.1 အစိမ်းသက်သက်သမားတွေအတွက်တော့၊ လေကြောင်းထိန်းချုပ်မှုစနစ်ကို အသာထား၊ ATM စက်တစ်စက်ကိုတောင် run နိုင်ပါ့မလားလို့ ထင်ပါလိမ့်မယ်။
ပြင်သစ်နိုင်ငံ၊ Orly လေဆိပ်ဟာ သက်တမ်း ၂၃ နှစ်ရှိပြီဖြစ်တဲ့ Windows 3.1 စနစ်ကို အသုံးပြုလျက်ရှိပြီး မကြာသေးမီက စနစ်ချို့ ယွင်းမှုကြောင့် လေကြောင်းခရီးစဉ်ရွှေ့ ဆိုင်းမှုတွေ ဖြစ်ပေါ်ခဲ့ရပါတယ်။ နိုဝင်ဘာလ ၇ ရက်မှာဖြစ်ပေါ်ခဲ့တဲ့ ကွန်ပြူတာစနစ်ချို့ ယွင်းမှုကြောင့် လေယာဉ်အမြောက်အများဟာ နာရီအတော်ကြာ သောင်တင်ခဲ့ရပါတယ်။
ပြင်သစ်နိုင်ငံ လေကြောင်းထိန်းသိမ်းရေးအဖွဲ့ အစည်းရဲ့ အထွေထွေအတွင်းရေးမှူး Alexandre Fiacre ရဲ့ ပြောကြားချက်အရ ဒီ စနစ်ချို့ ယွင်းမှုဟာ Windows 3.1 မှာ အသုံးပြုထားတဲ့ လေကြောင်းထိန်းဆော့ဖ်ဝဲကြောင့် ဖြစ်တယ်လို့  ဆိုပါတယ်။
“ ဒီလောက် အိုဟောင်းနေတဲ့ စစ်စတမ်တစ်ခုရဲ့ပြဿနာက လူတွေ ပြုပြင်ထိန်းသိမ်းမှုမလုပ်ပေးချင်ကြလို့  ဖြစ်ပါတယ်။ ဒီ့အပြင် ဒီ operating system ကို ကိုင်တွယ်ဖို့ ကျွမ်းကျင်တဲ့ပညာရှင်တွေလည်း နောက်နှစ်ထဲ အနားယူကြတော့မှာပါ။ ပဲရစ်မှာ ဒီလိုပြဿနာတွေနဲ့ ပတ်သတ်ပြီး ကိုင်တွယ်ဖြေရှင်းနိုင်တဲ့ ပညာရှင် သုံးဦးပဲရှိပါတယ်” လို့ Alexandre Fiacre က ပြောကြားခဲ့ပါတယ်။
( Ye Wint )
#သစ်ထူးလွင်(နည်းပညာ)
#technology.thithtoolwin.com
Ref : Metro
0 comments:
Post a Comment