ကျွန်တော်တို့ကမ္ဘာတည်ရှိရာနေအဖွဲ့အစည်းရဲ့ အစွန်အကျဆုံးနေရာမှာ ဂြိုလ်ကြီးတစ်လုံး ပုန်းကွယ်တည်ရှိနေတယ်လို့ ကယ်လီဖိုးနီးယားနည်းပညာတက္ကသိုလ်က ပညာရှင်တွေက ပြောကြားခဲ့ပါတယ်။
ဒီဂြိုလ်ကြီးဟာ ကျွန်တော်တို့ကမ္ဘာဂြိုလ်ထက် ၁၀ ဆ ပိုကြီးပြီး၊ နေအဖွဲ့အစည်းရဲ့ ကိုးလုံးမြောက်ဂြိုလ်ဖြစ်လာနိုင်ပါတယ်။
လက်တွေ့မျက်မြင်ပိုင်းအရ ဒီဂြိုလ်ကိုရှာဖွေမတွေ့ရှိသေးသော်လည်း နေအဖွဲ့အစည်းအစွန်ပိုင်းက ဂြိုလ်သိမ်တွေနဲ့ တခြားအရာဝတ္တုတွေရွေ့လျားပုံလမ်းကြောင်းကို လေ့လာကြည့်ရှုကြည့်ရာမှာ၊ ဒီဂြိုလ်တွေရဲ့ ပတ်လမ်းဟာ တစ်နေရာမှာပုန်းကွယ်နေတဲ့ဂြိုလ်ကြီးတစ်လုံးရဲ့ ဆွဲအားသက်ရောက်မှုကို ခံနေရကြောင်း တွေ့ရှိခဲ့တာဖြစ်ပါတယ်။
" ကျွန်တော်တို့နေအဖွဲ့အစည်းအတွင်းမှာ တခြားဂြိုလ်ကြီးတစ်လုံးရှိနေဦးမယ်ဆိုရင်တော့၊ ဒီဂြိုလ်ပဲဖြစ်ပါလိမ့်မယ်။ ဒီဂြိုလ်ကိုရှာဖွေတွေ့ရှိခဲ့ရင်တော့ တကယ့်ကို ထူးခြားမှုတွေပြည့်နှက်နေမှာပါ" လို့ ကယ်လီဖိုးနီးယားတက္ကသိုလ်က သိပ္ပံပညာရှင် Greg Laughlin က ပြောကြားခဲ့ပါတယ်။
ဒီဂြိုလ်ဟာ၊ ကမ္ဘာထက် သုံးဆကနေ ဆယ်ဆအထိကြီးနေနိုင်ပြီး၊ ကမ္ဘာနဲ့နေရဲ့အကွာအဝေးထက်၊ အဆပေါင်း ၂၀၀ ကျော် ၃၀၀ လောက် နေနဲ့ဝေးတဲ့နေရာမှာရှိနေနိုင်ပါတယ်။ အရမ်းဝေးလွန်းတာကြောင့် ဒီဂြိုလ်ဟာ နေကို တစ်ပတ်လည်ပတ်နိုင်ဖို့အတွက် နှစ်ပေါင်း ၂၀၀၀၀ လောက်ကြာမြင့်မှာဖြစ်ပါတယ်။
ဒီလောက်ဝေးကွာတဲ့အကွာအဝေးက ဂြိုလ်တစ်လုံးကို မျက်မြင်တွေ့ရှိနိုင်ဖို့ဆိုတာ မဖြစ်နိုင်သလောက်ဖြစ်ပြီး၊ လက်ရှိအသုံးပြုနေတဲ့အကြီးဆုံးတယ်လီစကုပ်နှစ်ခုတောင် ရှာမတွေ့နိုင်လောက်အောင် ဝေးတယ်လို့ သိရပါတယ်။
နေအဖွဲ့အစည်းအတွင်း ၁၉၃၀ ခုနှစ်မှာ ပလူတိုဂြိုလ်ကို ကိုးခုမြောက်ဂြိုလ်အဖြစ်နောက်ဆုံးပေါင်းထည့်ခဲ့ပြီး ၊ ပလူတိုဟာ ၂၁ ရာစုရဲ့နှစ်တော်တော်များများမှာ နေအဖွဲ့အစည်းရဲ့ဂြိုလ်တစ်လုံးအဖြစ်ရှိနေခဲ့ပေမယ့်၊ ၂၀၀၆ ခုနှစ်မှာ ဂြိုလ်အဆင့်ကနေ ဂြိုလ်သိမ်ဂြိုလ်မွှား တစ်ခုအဖြစ် အဆင့်လျော့ချခဲ့ရပါတယ်။
ယခုပျောက်ကွယ်နေတဲ့ဂြိုလ်ကြီးကိုရှာတွေ့မယ်ဆိုရင်တော့၊ ကျွန်တော်တို့နေအဖွဲ့အစည်းဟာ အရင်လို ဂြိုလ်ကြီးကိုးလုံးပြန်ရှိနိုင်မှာဖြစ်ပါတယ်။
( Ye Wint)
#သစ်ထူးလွင်(နည်းပညာ)
#technology.thithtoolwin.com
Ref: Independent
0 comments:
Post a Comment