Powered by Blogger.

နောက်ဆုံးထွက်ဗီဒီယိုအရ Samsung Galaxy S7 နဲ့ S7 Edge က ရေစိုခံဖုန်းဖြစ်ဖွယ်ရှိ




Samsung ကနေ တရားဝင်ထုတ်လုပ်လိုက်တဲ့ နောက်ဆုံးရဗီဒီယိုအရ Samsung Galaxy S7 နဲ့ Samsung Galaxy S7 Edge စမတ်ဖုန်းတွေဟာ ရေစိုခံစမတ်ဖုန်းတွေအဖြစ် ထွက်ရှိလာမယ်လို့ ခန့်မှန်းရပါတယ်။

Samsung ဟာ လာမယ့် ဖေဖော်ဝါရီလ ၂၁ ရက်နေ့မှာမှ တရားဝင်ထုတ်ဖော်ပြသမှာဖြစ်ပေမယ့် သူတို့ရဲ့ Youtube Channel မှာတော့ ဗီဒီယိုတစ်ခုကို တင်ထားပြီး ဘယ်လိုအနေအထားနဲ့ ထွက်ပေါ်လာမယ်ဆိုတာကို အရိပ်အမြွက် ထုတ်ဖော် ပြသလိုက်တာပါ။

#TheNextGalaxy လို့ တင်ထားတဲ့ ဗီဒီယိုတွေအရတော့ S7 ဟာ အခုလက်ရှိ ထွက်ရှိထားတဲ့ Samsung Galaxy S6 ဖုန်းနဲ့ အတော်လေးကို ပုံစံတူနေတာကို တွေ့ရပါတယ်။

ဗီဒီယိုထဲမှာ ပါဝင်တဲ့ ပုံစံတွေအရတော့ S7 ဟာ နာရီဝက်လောက်နဲ့ အားအပြည့်သွင်းနိုင်မယ့် မြန်နှုန်းမြင့် charging port တစ်ခုပါဝင်လာမှာဖြစ်ပြီး ဖိအားသိမျက်နှာပြင် (pressure sensitive display) နည်းပညာလည်း iPhone 6S မှာလိုမျိုး ပါဝင်လာနိုင်တယ်လို့ ခန့်မှန်းနေကြပါတယ်။

မိုးရေစိုထဲမှာ ဖုန်းကို ထုတ်ပြီး ပြလိုက်တာဟာလည်း လာမယ့် ဖုန်းတွေဟာ ရေစိုခံစမတ်ဖုန်းတွေ ဖြစ်လာမယ်ဆိုတဲ့ လက္ခဏာဖြစ်တယ်လို့လည်း ပြောဆိုနေကြပါတယ်။

ဒီဗီဒီယိုကိုတော့ အင်ဒိုနီးရှားနိုင်ငံ Samsung ကုမ္ပဏီက မတော်တဆ ထုတ်လွှင့်မိလိုက်တာဖြစ်တယ်လို့လည်း သိရပါတယ်။


( Paing A K )

#သစ်ထူးလွင်(နည်းပညာ)
#technology.thithtoolwin.com

Ref : Engadget
Share on Google Plus

About Staff Writer

သစ်ထူးလွင် နည်းပညာဆိုဒ်သည် နည်းပညာ မိုဘိုင်းဖုန်းနှင့် အီလက်ထရောနစ်ပစ္စည်းများနှင့် ပတ်သက်သော သတင်းများကို ဖေါ်ပြပေးသည့် ဆိုဒ်တစ်ခုဖြစ်သည်။
    Blogger Comment
    Facebook Comment

0 comments:

Post a comment