Powered by Blogger.

အမေရိကန်ပြည်ထောင်စုရဲ့ ရွေးကောက်ပွဲစနစ်နှစ်ခုကို ဟက်ကာတွေ တိုက်ခိုက်ခဲ့


အမေရိကန်ပြည်ထောင်စုရဲ့ ပြင်ပမှာရှိတဲ့ ဟက်ကာတွေဟာ ပြည်ထောင်စုထဲမှာရှိတဲ့ ပြည်နယ်နှစ်ခုရဲ့ ရွေးကောက်ပွဲဆိုင်ရာ အချက်အလက်တွေကို လတ်တလောလပိုင်းအတွင်းတုန်းက တိုက်ခိုက်ခဲ့တယ်လို့ သိရပါတယ်။

ဒီလိုတိုက်ခိုက်ခဲ့တာကြောင့် မဲပိုင်းဆိုင်ရာ လုံခြုံရေးတွေကို အမေရိကန်ဖက်ဒရယ်ထောက်လှမ်းရေး (FBI) က သတိပေးခဲ့ရတယ်လို့ သိရပါတယ်။

ယခုလိုတိုက်ခိုက်ခဲ့တာဟာ ပြီးခဲ့တဲ့ ဇူလိုင်လ ၁၀ရက်တုန်းက အီလီနွိုက်စ်ပြည်နယ်မှာ ရှိတဲ့ မဲပေးခွင့်ရှိတဲ့ နိုင်ငံသား ၂၀၀,၀၀၀ ကျော်ရဲ့ ပုဂ္ဂိုလ်ရေးဆိုင်ရာ အချက်အလက်တွေကို တိုက်ခိုက်ခဲ့တာဖြစ်ပါတယ်။ နောက်ထပ်ပြည်နယ်တစ်ခုကတော့ အရီဇိုးနားဖြစ်ပြီး မဲပေးသူတွေရဲ့ လျှောက်လွှာစနစ်တွေကို ဇွန်လတုန်းကတိုက်ခိုက်ခဲ့တာဖြစ်ကာ အချက်အလက်တွေခိုးယူခံခဲ့ရတယ်လို့ သိရပါတယ်။

FBI ဟာ ဟက်ကာတွေ တိုက်ခိုက်ဖို့အတွက် အသုံးပြုဖို့ Link လုပ်ခဲ့တဲ့ IP Address ၈ခုကို ပိတ်ပစ်ဖို့အတွက် FBI ကထုတ်ဖော်လိုက်ပါတယ်။ ဟက်ကာတွေတိုက်ခိုက်ခဲ့ပေမယ့် ရွေးကောက်ပွဲရဲ့ စနစ်ပိုင်းဆိုင်ရာတွေကတော့ ကောင်းမွန်နေတယ်လို့ ဗျူရိုက ဆိုခဲ့ပါတယ်။

ဟက်ကာတွေကဘယ်နေရာကနေတိုက်ခိုက်တယ်၊ ဘယ်အဖွဲ့တွေဖြစ်တယ်ဆိုတာနဲ့ အချက်အလက်ဘယ်လောက်ပါသွားတယ်ဆိုတာတော့ အစိုးရအဖွဲ့ကထုတ်ဖော်ခဲ့ခြင်းမရှိပါဘူး။

( Beauty Syh )

#သစ်ထူးလွင်(နည်းပညာ)
#technology.thithtoolwin.com

Ref: Engadget

Share on Google Plus

About Staff Writer

သစ်ထူးလွင် နည်းပညာဆိုဒ်သည် နည်းပညာ မိုဘိုင်းဖုန်းနှင့် အီလက်ထရောနစ်ပစ္စည်းများနှင့် ပတ်သက်သော သတင်းများကို ဖေါ်ပြပေးသည့် ဆိုဒ်တစ်ခုဖြစ်သည်။
    Blogger Comment
    Facebook Comment

0 comments:

Post a comment