Powered by Blogger.

ကော်ဖီပါဖျော်ပေးနိုင်မယ့် စမတ်ဖုန်းကာဗာထွက်ရှိ





 Mokase လို့အမည်ရတဲ့ စမတ်ဖုန်းကာဗာ အသစ်တစ်မျိုးဟာ သင်လိုအပ်တဲ့အချိန်တိုင်း နေရာတိုင်းမှာ Espresso ကော်ဖီပူပူလေးတစ်ခွက်ကို ဖန်တီးပေးနိုင်မယ့် ကမ္ဘာ့ပထမဆုံး စမတ်ဖုန်းကာဗာတစ်ခုဖြစ်ပါတယ်။ Mokase ရဲ့ရည်ရွှယ်ချက်ကတော့ ကော်ဖီတစ်ခွက်ကို အလွယ်တကူ ထမဖျော်နိုင် ထမဝယ်နိုင်တဲ့ အလုပ်တအားများနေသူအတွက်ပဲဖြစ်ပါတယ်။

 အီတလီနိုင်ငံရဲ့နည်းပညာကုမ္မဏီတစ်ခုဖြစ်တဲ့ Smart K ဟာ ကော်ဖီတွေကို ရောက်လေရာနေရာတိုင်းမှာ အလွယ်တကူ ဖျော်စပ်သောက်သုံးနိုင်ဖို့အတွက် စီစဉ်လိုက်ရာ ဖုန်းကာဗာကနေ ကော်ဖီဖျော်လို့ရနိုင်တဲ့ Mokase ကို ဖန်တီးတီထွင်ခဲ့လိုက်တာဖြစ်ပါတယ်။ ဒီဖုန်းကာဗာထဲမှာ Espresso ကော်ဖီတစ်ခွက်ကို ဖျော်ပေးနိုင်ဖို့အတွက် ရေနဲ့ ကော်ဖီစေ့တို့ ထည့်သွင်းနိုင်မယ့် ပါးလွှားတဲ့ အခန်းကျဉ်းလေးတစ်ခု ပါဝင်နေပါတယ်။ အပူဒဏ်ခံနိုင်တဲ့ Mokase ဖုန်းကာဗာကနေ ကော်ဖီဖျော်ဖို့ဆိုရင် ကိုယ့်ရဲ့စမတ်ဖုန်းထဲမှာ Mokase Apps ကိုပါ ထည့်သွင်းထားဖို့လည်း လိုအပ်ပါတယ်။ ထို Apps ကနေတစ်ဆင့် ကော်ဖီဖျော်ဖို့ စေခိုင်းလိုက်မယ်ဆိုရင် ဘက်ထရီကနေ ဖုန်းကာဗာမှာပါရှိတဲ့ လမ်းကြောင်းအတွင်းကနေ ကော်ဖီအရောအနှောလေးကို ငါးဆယ်ဒီဂရီကနေ ခြောက်ဆယ်ဒီဂရီလောက်အထိကို သွားရောက်အပူပေးလိုက်မှာဖြစ်ပါတယ်။ သောက်သုံးဖို့အတွက် အဆင်သင့်ဖြစ်ပြီဆိုရင်တော့ ဖုန်းကာဗာရဲ့ ထိပ်ဆုံးနေရာကနေ အရသာရှိတဲ့ Espresso ကော်ဖီပူပူလေး ထွက်ရှိလာမှာဖြစ်ပါတယ်။

 Mokase ဖုန်းကာဗာကနေ ဖျော်လို့ရလာတဲ့ ကော်ဖီပမာဏဟာ ၂၅ မီလီလီတာသာရှိလို့ သာမာန်ကော်ဖီခွက်တစ်ခွက်ထက်တော့ အနည်းငယ်လျော့နည်းနေပါတယ်။ ဒါပေမယ့် ဖုန်းကာဗာကနေ ကော်ဖီထွက်ကျလာမယ့် ပိုက်လိုင်းလေးကိုတော့ အလူမီနီယမ်-ဆီလီကွန် သတ္တုစပ်နဲ့ ပြုလုပ်ပေးထားတာဖြစ်လို့ ကော်ဖီပူပူကို အဆိပ်အတောက်လုံးဝမဖြစ်စေနိုင်ပါဘူး။ ဒီဇိုင်းပိုင်းလှသလို ကော်ဖီပါ အလွယ်တကူ ဖျော်ဖြေပေးနိုင်မယ့် Mokase ဖုန်းကာဗာများကို Mokase Website ကနေ ကြိုတင်အော်ဒါ မှာယူနိုင်ပြီဖြစ်ပြီး တစ်ခုကို အမေရိကန်ဒေါ်လာ ၅၆ဒေါ်လာ ကျသင့်မှာဖြစ်ပါတယ်။ ဒါ့အပြင် တစ်ခါသုံးအဖြစ် အသုံးပြုနိုင်တဲ့ ကော်ဖီထည့်သွင်းရာ အခန်းငယ်လေးများကိုလည်း ဝယ်ယူနိုင်ပါသေးတယ်။ Mokase ဖုန်းကာဗာတွေကို iPhone ၊ Samsung နဲ့ LG ဖုန်းများတို့မှာသာ တပ်ဆင်အသုံးပြုလို့ ရနိုင်မှာပဲဖြစ်ပါတယ်ခင်ဗျာ။

VitamiN

#technology.thithtoolwin.com

 Ref:Oddit

Share on Google Plus

About Staff Writer

သစ်ထူးလွင် နည်းပညာဆိုဒ်သည် နည်းပညာ မိုဘိုင်းဖုန်းနှင့် အီလက်ထရောနစ်ပစ္စည်းများနှင့် ပတ်သက်သော သတင်းများကို ဖေါ်ပြပေးသည့် ဆိုဒ်တစ်ခုဖြစ်သည်။
    Blogger Comment
    Facebook Comment

0 comments:

Post a Comment